Indverskt Dahl (Mungbaunaréttur)

Indverskur mung baunaréttur
250 g soðnar mung baunir eða rauðar linsubaunir
650 g gulrætur, skornar í frekar stóra munnbita
4 msk olía, t.d. lífræn
2 stórir laukar, smátt skornir
1 tsk turmeric
1 tsk chilli duft
1 tsk paprika
1 tsk salt, t.d. gróft Geo salt
1 lítið höfuð af sellerýrót skorið í litla munnbita (hægt að nota t.d. sæta kartöflu eða rófu í staðinn = rótarávextir)
Einnig hægt að nota hvítlauk + engifer + marið sítrónugras ásamt lauknum ef vill.

Aðferð:
Látið baunirnar liggja í tvo tíma áður en þær eru soðnar.  Fínt að nota þang + engifer + ferskt vatn til að sjóða baunirnar upp úr.  Alltaf að hella því vatni frá baununum sem þau eru látnar liggja í.  Útvatnaðar baunir eru soðnar með örlitlu salti þar til þær eru mjúkar (stendur yfirleitt á pakkanum hver suðutími er).  Sigtið vatnið frá og stappið baunirnar örlítið saman.  Sjóðið gulræturnar í ca 10 mín, sigtið vatnið síðan frá. 
Hitið olíu í góðum potti (ágætlega stórum m.v. þennan skammt).  Steikið laukinn þar til hann er orðinn mjúkur, blandið kryddunum saman við og sellerýrótinni og steikið þar til rótin er orðin mjúk.  Blandið örlitlu vatni saman og látið sjóða í 3 mín.  Setjið síðan gulræturnar og mungbaunirnar saman við.  Hrærið vel saman.
Kannski þarf að bæta örlitlu meira vatni út í þannig að kássan sé ekki of þykk.  Kryddið endilega meira eftir smekk. 
Þessi réttur eru góður með t.d. hýðishrísgrjónum, flottu ávaxtasalati og raitusósu.  Einnig er gott að fá sér bankabygg/hýðishrísgrjón með til að fá sem mest úr næringu allra hráefnanna.