Færsluflokkur: Matur og drykkur

Brún rúlla

3 egg
105 g sykur
60 g hveiti
1,5 msk kartöflumjöl
2 tsk kakó
1/2 tsk matarsódi

Smjörkrem:
150 g smjör
100 g smjörlíki
230 g flórsykur
1 egg
1 tsk vanilludropar

Aðferð:  Þeyta egg og sykur mjög vel saman - ca 10 mín.  Sigta þurrefni út í og blanda varlega saman með sleikju.  Smyrjið þesssu út á plötu og bakið við 230 gráður í 6-7 mín
Krem: blandið öllu hráefninu saman og vinnið miðlungi hratt saman í ca 12-15 mín en minna eftir því sem smjörið er mjúkt.  Smyrjið á kaldan botninn og rúllið upp.  Hægt er að gera ýmis afbrigði af kreminu með því að bæta út í það bræddu súkkulaði eða nota e-a dropa.


Marengs og kransabotnaterta

Marengs:
2 eggjahvítur
110 g sykur

Marengsinn er smurður út á plötu ca 26 cm og bakaður við 160 gráður í 35-40 mín

Kransabotn:
250 g marsipan - t.d. ren raa
250 g sykur
3 eggjahvítur
140 g suðusúkkulaði
100 g kókosmjöl

Kransabotninn:  Marsipanið og sykurinn er unnið vel og rólega saman.  Eggjahvítum er blandað saman við einni í einu.  Unnið rólega saman þar til allir kekkir eru horfnir.  Þá má blanda kókosmjöli og súkkulaðibitum saman við.  Unnið rólega saman.  Sett á smjörpappír og flatt út í hring í ca 26 cm eða aðeins minna.  Bakað við 200 gráður í 10-13 mín eða þar til hann er ljósbrúnn. 

Á milli:
heil dós af jarðarberjum
3 dl rjómi

Gott er að láta leka vel af jarðarberjunum áður en þau eru sett á kransabotninn.  Þeyttur rjómi er svo settur yfir og að síðustu marengsbotn.  Þetta er fínt að láta standa í ca 3 tíma áður en tertan er borin fram. 


Marengsterta m/súkkulaði og kókos

Botnar:
4 stk eggjahvítur
200 g sykur
100 g suðusúkkulaði
100 g kókosmjöl

Á milli botna:
peli af rjóma
1/2 dós niðursoðin jarðarber
50 g fínt saxað suðusúkkulaði
2 msk flórsykur
og fersk jarðarber til skrauts

Þeyta eggjahvítur og sykur vel saman.  Blanda varlega úr í söxuðu súkkulaði og kókosmjöli með sleikju.  Bakað við 160 gráður sem tveir botnar á plötu í ca 40-45 mín.  Á milli botnanna fer svo þeyttur rjómi, sigtaður flórsykur sem blandað er við ásamt söxuðu súkkulaði  og stöppuðum jarðarberjum.  Kæla í nokkra klukkutíma en tertan er best daginn eftir. 


Hrebbnukjulli

salsasósa
rjómaostur
kjúklingabringur
rifinn ostur ofan á
 

Kjúklingabringur forsteiktar annað hvort helmingaðar til að stytta tíma eða heilar eins og þær koma úr pakkanum.  Salsasósu hellt í form, rjómaostklípur eftir smekk þar í og svo kjúklingnum dreift þar yfir.  Þetta er svo þakið osti og bakað við ca 180 gráður í ca 15 mín eða þar til tilbúið.  Best er að bera þetta fram með salati og mylja nokkrar nachos flögur yfir eftir smekk. 


Skinkubrauðterta

Hvítt brauðtertubrauð í 3 lögum
150 g majones
100 g sýrður rjómi
aromat
pikant krydd
150 g skinka
5 stk harðsoðin egg
½ dós grænn aspas

Hrærið saman majonesi, sýrðum rjóma og kryddið.  Skerið skinkuna í sneiðar og stappið eggin með gaffli, Brytjið aspasinn niður og blandið síðan öllu saman.  Setjið skinkusalatið á milli laga brauðtertunnar og skreytið með skinku og öðru tiltæku.

Jojo’s special cheesecake – Suðurríkjaostakakan

Ostablandan
900 g rjómaostur
3,6 egg
1,35 bolli sykur
5,4 dl sýrður rjómi við stofuhita
2,7 msk maíssterkja
0,9 msk nýkreistur sítrónusafi
0,9 msk vanillusykur
225 g smjör
Botn
1 kassi Graham crackers kex
½ bolli pekan hnetur, fínt saxaðar (einnig hægt að nota valhnetur eða aðrar hnetur, jafnvel hnetublöndu)
250 g smjör

Nota á 20 cm smelluform en uppskrift fyllingar miðast við 18 cm smelluform.

• Smyrja form m/grænmetisolíu, annarri bragðlítilli olíu eða smjöri
• Blandið hráefninu í borninn saman í skál.  Blandan á að vera rök svo að hún klístrist en ekki þannig að hún sé blaut.
• Þrýstið 2/3 af blöndunni í botninn og hliðarnar á forminu, geymið afganginn til að setja ofan á kökuna
• Í annarri skál er blandað saman rjómaosti og sykri og það hrært þar til blandan er orðin eins og silki. 
• Brjótið eitt egg í einu og hrærið saman við blönduna og hrærið vel á milli. 
• Bætið þá sýrða rjómanum saman við ásamt restinni af þurrefnunum og blandið öllu vel saman
• Bætið þá sítrónusafanum og smjörinu saman við og hrærið vel
• Blandan ætti að vera mjög mjúk og falleg
• Þeytið nú létt blönduna í ca 5 mín með þeytara, en ef notuð er hrærivél skal aðeins hrært í eina mínútu
• Hellið blöndunni í formið og dreifið restinni af blöndunni í botninn yfir
• Setjið kökuformið á bökunarpappír í óhitaðan ofn og bakið við 160 gráður á C
• Bakið í ca 1 ½ klst eða þar til toppurinn á kökunni byrjar að brotna. 
• Slökkvið þá á ofninum og opnið hann örlítið
• Látið kökuna sitja í ofninum þar til hún er næstum orðin köld, ca 2 tíma
• Takið þá kökuna úr ofninum og kælið í forminu í ísskáp yfir nótt
• Næsta dag er hún tekin úr ísskápnum og svo úr forminu rétt áður en hún er borin fram


Innskráning

Ath. Vinsamlegast kveikið á Javascript til að hefja innskráningu.

Hafðu samband